دهست أفكاري اللي ماشية ع الرصيف ،
| |
و بتتبع كل البنود الواردة في كتاب المرور ،
| |
و شلت من إيدها الكلبشات العجوزة …
| |
و الحواديت الغبية
| |
إكتشفت أن الجواز من يومها باطل ،
| |
و العلاقة بين لساني و فكرتي …
| |
مبنية دايما ع الخيانة
| |
قمت شايل من على .. شباك لساني ..
| |
ستاير الليل البليد ،
| |
و ادّيت لأفكاري الجريئة ..
| |
الحق في المشي المخالف للمرور
| |
عشان لقيت أفكار كتير ..
| |
حطت شرفها ع الصينية و قدمتها للضيوف
| |
حرضت أفكاري إنها تعدي …
| |
بدون ما تبص لإشارة المرور
| |
أو تنزعج من صوت كلاكسات الموديلات القديمة ،
| |
و السرينة المتحفية ،
| |
و قلت لازم تكسري ازاز ال ( فيميه )
| |
عودتها …
| |
ما تدوسش يوم على الفرملة ،
| |
تسبق تمللي المرحلة ،
| |
توصل لأطراف المجرة
| |
يكفي إني غلطت مرة ..
| |
لما طلّعت ل لساني يومها رخصة للكلام ،
| |
و ختمت أفكاري بشعار الجمهورية
| |
م النهاردا …
| |
ها قطع الرخصة اللي ياما سبّبت ..
| |
للناس حوادث
| |
و امشي عكس الاتجاه
|
هعبر عن رأيي هنا..., ممكن تلاقيني بكتب بالفصحي او العامية او بالانجليزي او حتي بالصيني .. ممكن انقل حاجات مش بتاعتي وساعتها أكييد هقول ...
السبت، 16 فبراير 2013
المشي عكس الاتجاه - عبد الناصر حجازي
الاشتراك في:
تعليقات الرسالة (Atom)
ليست هناك تعليقات:
إرسال تعليق
ايه رأيك ...!!؟